- ಸಂಚಾಲಕಿ, ಅಧ್ಯಾತ್ಮಿಕ್ ಆನಿ ದೇವ್ ಸ್ತುತೆಚಿ ಸಮಿತಿ
ಲಾನ್ ಕ್ರಿಸ್ತಾಂವ್ ಸಮುದಾಯಾಚಾ ವರ್ಸಾಕ್ ಆಧಾರ್ ಮಾಗೊನ್, ಆಮ್ಚಿ ಫಿರ್ಗಜ್ ರೊಜಾರ್ ಮಾಯೆಕ್ ಸಮರ್ಪುನ್ 450 ವರ್ಸಾಂಕ್ ಪಾಯ್ ತೆಂಕ್ತಾನಾ ದೆವಾಚ್ಯೊ ವಾಟೊ ಕಿತೆಂ ಮ್ಹಣ್ ಸಮ್ಜಂಕ್ ಆಧಾರ್ ಜಾಂವ್ಕ್, ತಶೆಂಚ್ ಪೆಂತೆಕೊಸ್ತಾಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ಜೂನಾಚಾ 3 ತಾರಿಕೆರ್, ಸನ್ವಾರಾ ಸಾಂಜೆರ್ 6 ವರಾಂ ಥಾವ್ನ್ ಜೂನ್ 4, ಆಯ್ತಾರಾ ಸಕಾಳಿಂ 7 ವರಾಂ ಪರ್ಯಾಂತ್ ಜಾಗ್ರಣೆಚಿ ರಾತ್ ಆಸಾ ಕೆಲ್ಲಿ. ಯಾಜಕ್ ಬಾಪ್ ವಿಜಯ್ ಮಚಾದೊ, ಬಾಪ್ ರೋಶನ್ ರೊಜಾರಿಯೊ, ಬಾಪ್ ಮೆಲ್ವಿನ್ ನೊರೊನ್ಹಾ ಆನಿಂ ಬಾಪ್ ಆಂಡ್ರ್ಯು ಡಿ’ಸೋಜ ಹಾಣಿಂ ಆರಾಧನ್, ಹೊಗ್ಳಾಪ್ ಆನಿ ಸ್ತುತೆ ಸವೆಂ ಪವಿತ್ರ್ ಅತ್ಮ್ಯಾಚೆಂ ಯೆಣೆಂ, ಅಪೆÇಸ್ತಲಾಂಚೊ ಏಕ್ವಟ್, ತಾಂಚಿ ಉರ್ಬಾ, ಸುರ್ವಿಲ್ಯಾ ಪವಿತ್ರ್ ಸಭೆಂತ್ ಲಾನ್ ಕ್ರಿಸ್ತಾಂವ್ ಸಮುದಾಯ್, ವಾಯ್ಟ್ ಸ್ಪಿರಿತ್ ಆನಿಂ ಮನ್ಶಾಚೆ ಪಾತಕ್, ದೆವಾಚೊ ಮೋಗ್, ಜೆಜುಚೆಂ ಮರಣ್ ಆನಿ ಪುನರ್‍ಜಿವಂತ್ಪಣ್, ಆಮ್ಚ್ಯಾ ಜೀವನಾಂತ್ ದೆವಾಚೊ ಆನ್ಬೋಗ್ ಹ್ಯಾ ಸರ್ವ್ ವಿಷಯಾಂಚೆರ್ ಶಿಕವ್ಣ್ ದಿಲಿ.
ಆಯ್ತಾರಾ 7 ವರಾರ್ ಬರೇಲಿ ದಿಯೆಸೆಜಿಚೆ ಗೊವ್ಳಿ ಬಾಪ್ ಅಧಿಕ್ ಮಾನಾದಿಕ್ ಇಗ್ನೇಷಿಯಸ್ ಡಿ’ಸೋಜ, ಹಾಂಚ್ಯಾ ಸಂಭ್ರಮಿಕ್ ಮಿಸಾ ಸವೆಂ ಪೆಂತೆಕೊಸ್ತಾಚೆಂ ಫೆಸ್ತ್ ಆಚರಣ್ ಕೆಲೆಂ. ಧಾರ್ಮಿಕ್ ಭಾವ್-ಭಯ್ಣ್ಯಾಂ ಸವೆಂ ಸುಮಾರ್ 200 ಲಾಯಿಕಾಂನಿಂ ಹ್ಯಾ ಜಾಗ್ರಣೆಂತ್ ವಾಂಟೊ ಘೆವ್ನ್ ಹಿ ಜಾಗ್ರಾಣೆಚಿ ರಾತ್ ಯಶಸ್ವೆ ಭರಿತ್ ಕೆಲಿ. ಸೈಮನ್ ಅಂಜೆಲೊರ್, ಓಜ್ವಾಲ್ಡ್ ಬಿಜೈ ಹಾಂಚಾಂ ಗಾಯಾನಾಂ ಆನಿಂ ಸಂಗೀತಾನ್ ಭಕ್ತಿಪಣಾನ್ ಆಮ್ಚಿಂ ಕಾಳ್ಜಾಂ ದೆವಾಕ್ ಉಬಾರುಂಕ್ ಆಧಾರ್ ಜಾಲೊ. ರಾತಿಂ ಜೆವಾಣ್, ಚಾ, ಕಾಫ್ಯೆಚಿ ವ್ಯವಸ್ಥಾಯಿ ಆಸ್‍ಲ್ಲಿ. ಅಧ್ಯಾತ್ಮಿಕ್ ಆನಿ ದೇವ್ ಸ್ತುತೆಚಾ ಸಮಿತಿನ್ ಹ್ಯಾ ಭಕ್ತಿಕ್ ಕಾರ್ಯಾಚಿ ಸರ್ವ್ ಜವಾಬ್ದಾರಿ ಘೆತ್‍ಲ್ಲಿ.
Comments powered by CComment