News & Pics: Fr Anil Fernandes

ಎಪ್ರಿಲ್ 31ವೆರ್ ಪಾಸ್ಖಾಚೆ ಜಾಗ್ರಣೆಚಿ ಭೋವ್ ಪವಿತ್ರ್ ರಾತಿಂ ಸಾಂಜೆರ್ 7.30 ವ್ಹರಾರ್ ಅಧಿಕ್ ಮಾನಾಧಿಕ್ ದೊತೊರ್ ಲುವಿಸ್ ಪಾವ್ಲ್ ಸೋಜ್ ಭಿಸ್ಪಾಂನಿ ಉಜೊ ಬೆಂಜಾರ್ ಕರ್ನ್ ಪಾಸ್ಕಾಚಿ ವಾತ್ ಪೆಟಯ್ಲಿ. ಉಪ್ರಾಂತ್ ಪಾಸ್ಕಾಚೊ ವೈಭವ್ ಆನಿ ಮಹತ್ವ್ ಪರ್ಗಟ್ಚೆಂ ಬೋವ್ ಪುರಾತನ್ ಗೀತ್ ‘ಪಾಸ್ಕಾಚಿ ಮಹಾಸ್ತುತಿ’ ಜಳ್ತ್ಯಾ ವಾತಿಸವೆ0 ಮಾ| ಬಾಪ್ ಆನಿಲ್ ಫೆರ್ನಾಂಡಿಸಾನ್ ಗಾಯ್ಲೆಂ. ದೆವಾಚ್ಯಾ ಸಬ್ದಾಚೊ ಸೆವಾಧರ್ಮಾಚ್ಯಾ ಭಾಗಾಂತ್ ಪರ್ನ್ಯಾ ಸೊಲ್ಲ್ಯಾಂತ್ಲಿ ಪಾಂಚ್ ವಾಚ್ಪಾಂ ಆನಿ ನವ್ಯಾ ಸೊಲ್ಲ್ಯಾಂತ್ಲೆಂ ಏಕ್ ವಾಚಪ್ ವಾಚ್‍ಲ್ಲ್ಯಾ ಉಪ್ರಾಂತ್ ಜೆಜುಚ್ಯಾ ಜೀವಂತ್ಪಣಾಚೆರ್ ಮಾ| ಬಾ| ವಿನ್ಸೆಂಟ್ ಡಿ’ಸೊಜಾನ್ ಭೋವ್ ಆರ್ಥಾಭರಿತ್ ಪ್ರಸಂಗ್ ದಿಲೊ. ಮಿಸಾಚ್ಯಾ ಆಕ್ರೇಕ್ ರೆಕ್ಟರ್ ಮಾ| ಬಾಪ್ ಜೆ. ಬಿ. ಕ್ರಾಸ್ತಾ ಹಾಂಣಿಂ ಸರ್ವಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ. ಭಿಸ್ಪ್ ಆಲೋಶಿಯಸ್ ಪಾವ್ಲ್ ಹಾಂಣಿಂ ಫೆಸ್ತಾಚೊ ಸಂದೇಶ್ ದೀವ್ನ್, ‘ಜೆಜುಚ್ಯಾ ಜಿವಂತ್ಪಣಾಚೆಂ ಫೆಸ್ತ್ ಕ್ರೀಸ್ತಾವಾಂಕ್ ಆಮ್ಕಾಂ ವರ್ತೆಂ ಭಾವಾರ್ಥಾಚೆಂ ಸತ್. ಆಮ್ಕಾಂ ತೊ ಭಾವಾರ್ಥ್ ಲಾಭ್‍ಲ್ಲೊ ದೆವಾಚೆ ಉದಾರ್ಥ್ ದೆಣೆಂ. ಜಿವಂತ್ಪಣಾಚೊ ಸಾಂತೊಸ್ ಹೆರಾಂಕ್ ವಾಂಟುನ್ , ಜೆಜುಕ್ ಖರೆ ಸಾಕ್ಷಿ ಜಾವ್ಯಾಂ’ ಮ್ಹಣಾಲೊ. ಮಿಸಾ ಉಪ್ರಾಂತ್ ಭಿಸ್ಪಾಂನಿ ಆರ್ ವೈ ಎಮ್ ಯುವಜಣಾಂ ಸಾಂಗಾತಾ ‘ಈಸ್ಟರ್ ಎಗ್ಗ್’ ಪುಟಂವ್ಚ್ಯಾ ಮಾರಿಫಾತ್ ಫೆಸ್ತ್ ಆಚರ್ಸಿಲೆಂ.