Parish News

ಕ್ರಿಸ್ಟೋಫರ್ ಎಸೋಸಿಯೇಶನ್ ಹಾಂಚ್ಯಾ ವಾರ್ಶಿಕ್ ಫೆಸ್ತಾಚ್ಯಾ ಸಂದರ್ಭಿಂ, ರುಜಾಯ್ ಕಾಥೆದ್ರಾಲಾಂತ್ ಅಗಸ್ಟಚ್ಯಾ 5 ತಾರಿಕೆರ್ ಮೀಸಾಚೆಂ ಬಲಿದಾನ್ ತಶೆಂಚ್ ವಾಹನ್ ಬೆಂಜಾರ್ ಆಸಾ ಕೆಲ್ಲೆಂ. ಮೊನ್ಸಿಂಜೊರ್ ಡೆನಿಸ್ ಮೊರಸ್ ಪ್ರಭು ಬಾಪಾಂನಿ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಕಾಥೆದ್ರಾಲಾಚೊ ರೆಕ್ಟರ್ ಮಾ|ಬಾ| ಜೆ.ಬಿ ಕ್ರಾಸ್ತಾ ತಶೆಂಚ್ ಹೆರ್ ಯಾಜಕಾಂನಿ ಸಹಭೆಟವ್ಣಿ ಕೆಲಿ.

ವಾಹನ್ ಬೆಂಜಾರ್ ಜಾಲ್ಯಾ ಉಪ್ರಾಂತ್ ರುಜಾಯ್ಚ್ಯಾ ಸಭಾಸಾಲಾಂತ್ ಕ್ರಿಸ್ಟೋಫರ್ ಎಸೋಸಿಯೇಶನಾಚ್ಯಾ ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ಉಲ್ಲಾಸುಂಚೆ ಕಾರ್ಯೆಂ ಚಲ್ಲೆಂ. ಕಾರ್ಯಾಚೊ ಅಧ್ಯಕ್ಷ್ ಮೊನ್ಸಿಂಜೊರ್ ಡೆನಿಸ್ ಮೊರಸ್ ಪ್ರಭು ಬಾಪಾಂನಿ ವಾಹನ್ ಚಾಲಕಾಂನಿ ಸೊಸ್ಣಿಕಾಯ್, ಜಾಗ್ರುತ್ಕಾಯ್ ಸಾಂಬಾಳಿಜೆ. ತವಳ್ ಆಮ್ಚೆಂ ಜೀವನ್ ಬರೆಂ ಜಾತಾ ಮ್ಹಳ್ಳೊ ಸಂದೇಶ್ ದಿಲೊ. ಪ್ರತಿಭಾನ್ವಿತ್ ಭುರ್ಗ್ಯಾಂಕ್ ತಾಣಿಂ ಹೊಗೊಳ್ಸಿಲೆಂ.

ವಿಧಾನ ಪರಿಷತ್ ಹಾಚೊ ಸಾಂದೊ ಐವನ್ ಡಿಸೋಜ ಉಲೊವ್ನ್ ಸರ್ಕಾರಾ ಥಾವ್ನ್ ಮೆಳ್ಚ್ಯಾ ಸೌಲಾತಾಯೆಂಚೊ ಉಪೆÇ್ಯೀಗ್ ಕರಿಜೆ ಮ್ಹಳ್ಳೊ ಉಲೊ ದಿಲೊ. ಪಾಂಡೇಶ್ವರ್ ಪೆÇಲಿಸ್ ಠಾಣ್ಯಾಚಿ ಎ.ಎಸ್.ಐ ಲಿನೆಟ್ ಕ್ಯಾಸ್ತೆಲಿನೊ ಹಾಣಿಂ ಉಲೊವ್ನ್ ಕ್ರಿಸ್ಟೋಫರ್ ಎಸೋಸಿಯೇಶನ್ ಹಾಣಿಂ ಜಾತ್ ಧರ್ಮ್ ಲೆಕಿನಾಸ್ತಾನಾ ಹಾಸ್ಟೆಲಾ ಮಾರಿಫಾತ್ ಕರ್ಚಿ ಸೆವಾ ವಾಖಾಣ್ಲಿ.

ಎಸೋಸಿಯೇಶನಾಚೊ ಅಧ್ಯಕ್ಶ್ ಫ್ರಾನ್ಸಿಸ್ ಡಿಸೋಜ ಹಾಣಿಂ ಸ್ವಾಗತ್ ಕೆಲೆಂ; ಕಾರ್ಯದರ್ಶಿ ನೈಜಿಲ್ ಪಿರೇರಾ ಹಾಣಿಂ ವಂದಿಲೆಂ. ಗೌರವ್ ಅಧ್ಯಕ್ಷ್ ಜಾವ್ನ್ ಸುಶೀಲ್ ನೊರೋನ್ಹಾ ಆನಿ ಆತ್ಮಿಕ್ ನಿರ್ದೇಶಕ್ ಜಾವ್ನ್ ಮಾ|ಬಾ| ಜೆ.ಬಿ ಕ್ರಾಸ್ತಾ ಹಾಜರ್ ಆಸ್ಲೆ. ಲೀನಾ ಡಿಸೋಜ ಹಿಣೆಂ ಕಾರ್ಯೆಂ ನಿರ್ವಹಣ್ ಕೆಲೆಂ.