2021 ನವೆಂಬರ್ 28 ತಾರಿಕೆರ್ ಆಯ್ತಾರಾ ಆರ್ ವೈ ಎಮ್ ರುಜಾಯ್ ಘಟಕಾನ್ ಸಕಾಳಿಂ 9.00 ವ್ಹರಾ ಥಾವ್ನ್ ಸಾಂಜೆರ್ 4.00 ವ್ಹರಾ ಪರ್ಯಾಂತ್ ‘ರೊಸಾರಿಯೊ ಫೂಟ್‍ಬಾಲ್ ಕಪ್’ ಟೂರ್ನಮೆಂಟ್ ಮಾಂಡುನ್ ಹಾಡ್‍ಲ್ಲೆಂ. ಉಗ್ತಾವಣ್ ಕಾರ್ಯಾಕ್ ಬಾಪ್ ಆಲ್ಫ್ರೆಡ್ ಜೆ ಪಿಂಟೊನ್ ಅಧ್ಯಕ್ಷ್‍ಪಣ್ ಘೆತ್‍ಲ್ಲೆಂ. ಬಾಪ್ ವಿನೋದ್ ಲೋಬೊ ಆನಿ ಬಾಪ್ ವಿಕ್ಟರ್ ಡಿ’ಸೋಜಾನ್ ಸಾಂಗಾತ್ ದಿಲೊ. ಆರ್ ವೈ ಎಮ್‍ಚೊ ಅಧ್ಯಕ್ಷ್ ಲೆರೋಯ್ ಕ್ರಾಸ್ತಾನ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ವಿಗಾರ್ ಬಾಪಾಂನಿ ಗೋಲ್ ಕರ್ನ್ ಪಂದ್ಯಾಟಾಚೆಂ ಉಗ್ತಾವಣ್ ಕೆಲೆಂ.

ದಿಯೆಸೆಜಿಚಾ ವಿವಿಧ್ ಫಿರ್ಗಜೆ ಥಾವ್ನ್ 16 ಪಂಗ್ಡಾಂನಿ ಭಾಗ್ ಘೆತ್‍ಲ್ಲೊ. ಪಂದ್ಯಾಟಾಂತ್ ಪಯ್ಲೆಂ ಸ್ಥಾನ್ ದೆರೆಬೈಲ್ ಫಿರ್ಗಜ್ ಆನಿ ದುಸ್ರೆ ಸ್ಥಾನ್ ಬಜ್ಪೆ ಫಿರ್ಗಜೆಚಾ ಪಂಗ್ಡಾಕ್ ಫಾವೊ ಜಾಲೆಂ. ಹೊ ಪಂದ್ಯಾಟ್ ಚಲಂವ್ಕ್ ಸಬಾರ್ ದಾನಿಂನಿ ಆಧಾರ್ ದಿಲೊ. ಹ್ಯಾ ಕಾರ್ಯಾಕ್ ಆರ್ ವೈ ಎಮ್‍ಚಿ ಸಚೇತಕಿ ಭಯ್ಣ್ ಸೆಲಿನ್ ಆನಿ ಮಾನೆಸ್ತ್ ಫಿಲಿಪ್ ಪಿರೇರಾ ಹಾಜರ್ ಆಸ್‍ಲ್ಲಿಂ.