July 24, 2017: ಹ್ಯಾಚ್ಚ್ ಜುಲಾಯ್ಚ್ಯಾ 16 ತಾರಿಕೆರ್ ಆಯ್ತಾರಾ ಮಿಸಾ ಉಪ್ರಾಂತ್ ವೈ.ಸಿ.ಎಸ್ ತಶೆಂಚ್ ಆರ್.ವೈ.ಎಮ್ ಸಾಂಧ್ಯಾಂನಿ ಫಿರ್ಗಜೆಂತ್ ವನಮಹೋತ್ಸವ್ ಇಗರ್ಜೆಚ್ಯಾ ಉಗ್ತ್ಯಾ ಮಯ್ದಾನಾರ್ ಆಚರಣ್ ಕೆಲೊ. ಕಾರ್ಯಾಚೊ ಪಯ್ಲೊ ವಾಂಟೊ ಜಾವ್ನ್ ವೈ.ಸಿ.ಎಸ್ ಸಾಂದ್ಯಾಂನಿ ಪರಿಸರಾವಿಶಿಂ ಜಾಗೃತಿ ಉಟಂವ್ಚೆಂ ತಸಲೆಂ ಚಿತ್ರ್ ಪ್ರದರ್ಶಿತ್ ಕೆಲೆಂ. ಮುಕೇಲ್ ಸಯ್ರೊ ಮಾನೆಸ್ತ್ ಬ್ಲ್ಯಾನಿ ಡಿಸೋಜಾನ್ ವನಮಹೋತ್ಸವಾಚ್ಯಾ ನಾಂವಾಂನ್ ಮರ್ಜೆಚ್ಯಾ ಕಾರ್ಯಾಕ್ರಮಾಂಚ್ಯಾಕೀ ಚಡ್ ಪರಿಸರ್ ಉರಂವ್ಚೆಂ ತಸಲಿಂ ಗರ್ಜೆಚಿಂ ಸೂತ್ರಾಂ ಆನಿ ವಾಟ್ ಸೊಧುನ್ ತ್ಯಾ ದಿಶೆನ್ ಚಮ್ಕಂಚೆಂ ಗರ್ಜ್ ಮ್ಹಣ್ ಸಂದೇಶ್ ದಿಲೊ.  ಆರ್.ವೈ.ಎಮ್ ಸಾಂದ್ಯಾನಿ ಮುಕೇಲ್ ಸಯ್ರೊ ಆನಿ ವಿಗಾರ್ ಬಾಪಾ ಸಾಂಗಾತಾ ಮೆಳೊನ್ ಝಡ್ ಲಾಂವ್ಚೆ ಮುಕಾಂತ್ರ್ ಸಾಂಕೇತಿಕ್ ರಿತಿನ್ ವನಮಹೋತ್ಸವ್ ಆಚರಣ್ ಕೆಲೊ. ಆಕ್ರೇಕ್ ಕಾರ್ಯಾಂತ್ ಹಾಜರ್ ಜಾಲ್ಲ್ಯಾ ಸರ್ವ್ ಫಿರ್ಗಜ್ಗಾರಾಂಕ್ ಝಡ್ ವಾಂಟ್ಲೆಂ.

 

 

 

‘ವನ ಮಹೋತ್ಸವ್’ ಹೊ ಸಬ್ದ್‍ಚ್ಚ್ ಪರಿಸರ್ ರಾಕ್ಚ್ಯಾ ಉತ್ಸವಾಕ್ ಆಪಯ್ತಾ. ಹೊ ಉತ್ಸವ್ ಪರಿಸರಾ ವಯ್ರ್ ಆಮ್ಕಾಂ ಆಸ್ಚಿ ಜವಬ್ದಾರಿ ಉಕ್ಲುನ್ ದಾಕಯ್ತಾ. ಜರ್ ದೆವಾನ್ ದಿಲ್ಲೊ ಸೊಭಿತ್ ಪರಿಸರ್ ಆಮಿ ರಾಕೊನ್ ಉರಂವ್ಕ್ ಸಕನಾಂವ್ ತರ್ ಮುಕ್ಲ್ಯಾ ಪಿಳ್ಗೆಕ್ ಆಮಿ ಕಂಟಕ್ ಜಾಂವ್ಕ್ ಪಾವ್ತೆಲ್ಯಾಂವ್ ! ಜರ್ ಪರಿಸರ್ ಆಶೆಂಚ್ ನಾಸ್ ಜಾವ್ನ್ ವಚಾತ್ ತರ್ ಮ್ಹನ್ಶ್ಯಾ ಜಿವಿತಾಕ್ ಗರ್ಜೆಚೆಂ ನಿತಳ್ ವಾರೆಂ ಖಂಯ್ ಥಾವ್ನ್ ವಾಳ್ತೆಲೆಂ. ರೂಕ್ ಝಡಾಂಕ್ ನಾಸ್ ಕೆಲ್ಲೆಂ ವರ್ವಿಂ ಆಮ್ಕಾಂಚ್ ಆಮಿ ನಾಸ್ ಕೆಲ್ಲೆಂವರಿ ನ್ಹಂಯ್‍ವೆ ? ಜಾಗ್ರುತ್ ಆಮಿ ಜಾಂವ್ಯಾಂ, ರೂಕ್ ಝಡಾಂ ವಯ್ರ್ ಮೊಗಾಚಿ ದೀಷ್ಟ್ ಲಾಂವ್ಯಾಂ. ಭಿಂ ವೊಂಪ್ಯಾಂ. ನವೆಂ ಝಡ್  ಲಾಂವ್ಯಾಂ. ಮೊಗಾನ್ ತಾಂಚೊ ಪೆÇೀಸ್ ಕರ್ಯಾಂ.

 

 

 

 

Comments powered by CComment

Home | Parish | News | Sitemap | Contact

Copyright © 2013 www.rosariocathedral.org. All rights reserved.
Powered by eCreators