Parish News

May 18, 2018 : ಪವಿತ್ರ್ ಆತ್ಮ್ಯಾಚಾ ಯೆಣ್ಯಾಕ್ ತಯಾರಾಯ್ ಜಾವ್ನ್, ದೆವಾನ್ ಆಮ್ಚ್ಯಾ ಕುಟ್ಮಾಕ್ ಕೆಲ್ಲ್ಯಾ ಬರೆಪಣಾ ಖಾತಿರ್, ಆಮ್ಚ್ಯಾ ಭುರ್ಗ್ಯಾಂನಿ ಬರೆಂ ಫಲಿತಾಂಶ್ ಹಾಡ್‍ಲ್ಲ್ಯಾ ಖಾತಿರ್ , ಯಾಜಕಾಂಕ್ ಧಾರ್ಮಿಕಾಂಕ್ ಪವಿತ್ರ್ ಸಭೆಚಿ ಸೆವಾ ಕರುಂಕ್ ಧಾಡ್‍ಲ್ಲ್ಯಾ ಖಾತಿರ್ ಆನಿ ಪ್ರತ್ಯೇಕ್ ಜಾವ್ನ್ ಕರ್ನಾಟಕಾಂತ್ ಎಲಿಸಾಂವ್ ಬರ್ಯಾ ರಿತಿನ್ ಸಂಪ್‍ಲ್ಲ್ಯಾ ಖಾತಿರ್ ನಿರಂತರಿ ದೆವಾಕ್ ಅರ್ಗಾಂ ದಿಂವ್ಚಾಕ್ ಆಧ್ಯಾತ್ಮಿಕ್ ಸಮಿತಿಚಾ ಮುಖೇಲ್ಪಣಾಖಾಲ್ ಮೇಯಾಚಾ 18 ತಾರಿಕೆರ್ ಸಕಾಳಿಂ 6.00 ವ್ಹರಾ ಥಾವ್ನ್ ಸಾಂಜೆರ್ 6.00 ವ್ಹರಾ ಪರ್ಯಾಂತ್ ‘ಅರ್ಗಾಂ ದಿಂವ್ಚೊ ದಿವಸ್’ ಚಲವ್ನ್ ವೆಲೊ.

ಫಿರ್ಗಜೆಚೊ ಯಾಜಕ್ ಮಾ| ಬಾ| ಜೆ.ಬಿ. ಕ್ರಾಸ್ತಾ, ಬಾಪ್ ರೊಕ್ಕಿ, ಬಾಪ್ ವಿನ್ಸೆಂಟ್, ಬಾಪ್ ಅನಿಲ್ ಸವೆಂ ಬಾಪ್ ಒನಿಲ್, ಬಾಪ್ ಕ್ಲಿಫರ್ಡ್, ಬಾಪ್ ಅನಿಲ್ ಆಲ್ಫ್ರೆಡ್, ಬ್ರ. ಟಿ. ಕೆ. ಜಾರ್ಜ್ ಹಾಣಿಂ ಅರ್ಗಾಂ ಹೊಗ್ಳಾಪ್ ಆನಿ ಆರಾಧನ್ ಚಲವ್ನ್ ವರ್ತಾಸ್ತಾನಾ, ಸೈಮನ್ ಪಾಯ್ಸ್ ಬಜಾಲ್, ಹಾಚಾ ವಾಜಂತ್ರ್ ಆನಿ ಗಾಯಾನಾಂ ಮುಖಾಂತ್ರ್ ದೆವಾ ಥಂಯ್ ಆಮ್ಚಿಂ ಕಾಳ್ಜಾಂ ಉಬಾರುಂಕ್ ಸಲೀಸ್ ಜಾಲೆಂ.

ದನ್ಪರಾಂ ಉಂಡೊ ಆನಿ, ಪೀವನ್ ಆನಿ ಸಾಂಜೆರ್ ಕಾಫಿಯೆಚಿ ವ್ಯವಸ್ಥಾಯೀ ಅಸ್‍ಲ್ಲಿ. ಸಾಂಜೆಚ್ಯಾ 6 ವರಾಂಚ್ಯಾ ಮಿಸಾಚೆರ್ ಲೊಕಾಚ್ಯೊ ವಿನವ್ಣ್ಯೊ ದೆವಾಕ್ ಭೆಟಯ್ಲ್ಯೊ ಆನಿ ಮಾಗ್ಲೆಂ.

ಫಿರ್ಗಜೆಂತ್ಲ್ಯಾ ಹರ್ಯೇಕ್ಲ್ಯಾನ್ ತಾಂಚ್ಯಾ ತಾಂಚ್ಯಾ ಸಂದ್ರಾಪಾ ಪರ್ಮಾಣೆಂ ಚಡಿತ್ ಮಾಪಾನ್ ಯೇವ್ನ್ ಜೆಜು ಸಂಗಿಂ ತಾಂಚೊ ವೇಳ್ ಖರ್ಚಿಲೊ. ಸರಿ ಸುಮಾರ್ ಏಕ್ ಹಾಜರ್ ಫಿರ್ಗಜ್‍ಗಾರಾಂನಿ ಹಾಂತುಂ ಪಾತ್ರ್ ಘೆತ್‍ಲ್ಲೊ ಧಾದೊಸ್ಕಾಯೆಚಿ ಗಜಾಲ್.

ಶ್ರೀಮತಿ ಜೆಸಿಂತಾಡಿ’ಅಲ್ಮೇಡಾ,
ಸಂಚಾಲಕಿ ಆಧ್ಯಾತ್ಮಿಕ್ ಸಮಿತಿ