Parish News

ರುಜಾಯ್ ಫಿರ್ಗಜಿಂತ್ 2020 ಫೆಬ್ರೆರ್ 11 ತಾರಿಕೆಚ್ಯಾ ಸಾಂಜೆರ್ ಲೂಡ್ರ್ಸ್ ಸಾಯ್ಬಿಣಿಚ್ಯಾ ಫೆಸ್ತಾ ಸಂಧರ್ಬಿಂ ಮಿಸಾಚೆಂ ಬಲಿದಾನ್ ಮಾ|ಬಾ| ವಿಕ್ಟರ್ ಡಿ’ಸೋಜಾ ಹಾಣಿಂ ಭೆಟಯ್ಲೆಂ. ಉಪ್ರಾಂತ್ ಸರ್ವ್ ಪುರ್ಶಾಂವಾರ್ ರೊಜಾರ್ ಮಾಯೆಚ್ಯಾ ಗ್ರೊಟ್ಟ್ಯಾ ಸಾಮ್ಕಾರ್ ಜಮ್ಲಿಂ. ಲೂಡ್ರ್ಸ್ ವಾಡ್ಯಾಗಾರಾಂನಿ ತೇರ್ಸ್ ಚಲೊವ್ನ್ ವ್ಹೆಲೊ. ದೆವಾಚೆಂ ಉತರ್ ವಾಚುನ್ ಮಾ|ಬಾ| ವಿಕ್ಟರ್ ಡಿಸೋಜಾ ಹಾಣಿಂ ನಿಯಾಳ್ ದಿಲೊ. ಪಿಡೆಸ್ತಾಂಚೆರ್ ವಿಶೇಸ್ ಮಾಗ್ಣೆಂ ಮ್ಹಳೆಂ ಆನಿ ತಾಂಕಾ ತೆಲಾವ್ನ್ ಮಾಖ್ಲೆಂ. ಮಾ|ಬಾ| ಜೆ.ಬಿ ಕ್ರಾಸ್ತಾ ಆನಿ ಸಹಾಯಕ್ ಯಾಜಕ್ ಹಾಜರ್ ಆಸ್ಲೆ.

ಸಗ್ಳ್ಯಾ ಮಾಗ್ಣ್ಯಾ ವಿಧಿ ಉಪ್ರಾಂತ್ ಜಮ್ಲೆಲ್ಯಾ ಸಮೇಸ್ತಾಂಕ್ ಖಾಣ್ ಆನಿ ಥಂಡ್ ಪೀವನ್ ಆಸಾ ಕೆಲ್ಲೆಂ. ಮಾನೆಸ್ತ್ ಗಿಲ್ಬರ್ಟ್ ಡಿ’ಸಿಲ್ವಾ ಹಾಣೆಂ ಜಮ್ಲೆಲ್ಯಾ ಸಮೇಸ್ತಾಂಚೊ ಉಪ್ಕಾರ್ ಬಾವುಡ್ಲೊ.