Parish News

ಭುರ್ಗ್ಯಾಂಕ್ ರೆತಿರ್ 2021 ಡಿಸೆಂಬರ್ 12 ತಾರಿಕೆರ್ ಆಯ್ತಾರಾ ಸಕಾಳಿಂ 8.00 ವ್ಹರಾ ಥಾವ್ನ್ 1.00 ವ್ಹರಾ ಮ್ಹಣಾಸರ್ ಆಸಾ ಕೆಲ್ಲಿ. ಮಾ| ಬಾ| ರೂಪೇಶ್ ಮಾಡ್ತಾ, ನಿಯೋಜಿತ್ ರಾಕ್ಣೊ ಸಂಪಾದಕ್ ಹಾಂಣಿ ಚಲವ್ನ್ ವೆಲಿ. ಹ್ಯಾ ರೆತಿರೆ ವೆಳಾರ್ ಪ್ರಸಂಗ್, ಕುಮ್ಸಾರಾಕ್ ತಯಾರಾಯ್, ಆರಾಧಾನ್ ಆನಿ ಮೀಸ್ ಆಸ್‍ಲ್ಲೆಂ. ಪ್ರಸಂಗ್‍ದಾರಾನ್ ಭುರ್ಗ್ಯಾಂನಿ ದೆವಾಚೊ ಮೋಗ್ ಕರ್ಚ್ಯಾಕ್ ಆನಿ ಪಾತಕ್ ವಳ್ಕೊನ್ ಘೆವ್ನ್ ಕುಮ್ಸಾರ್ ಜಾಂವ್ಚ್ಯಾಕ್ ಉಲೊ ದಿಲೊ ಆನಿ ಆರಾಧಾನಾ ವೆಳಾರ್ ತಾಂಚಾ ಗರ್ಜಾಂ ಖಾತಿರ್ ಮಾಗ್ಲೆಂ. ಭುರ್ಗ್ಯಾಂಚಾ ಮಾತ್ಯಾಚೆರ್ ಹಾತ್ ದವರ್ನ್ ವಿಶೇಷ್ ಮಾಗ್ಣೆಂ ಕೆಲೆಂ. ಹ್ಯಾ ರೆತಿರೆಕ್ 75 ಭುರ್ಗಿಂ ಹಾಜರ್ ಆಸ್‍ಲ್ಲಿಂ. ಜೆವ್ಣಾ ಸವೆಂ ರೆತಿರ್ ಅಖೇರ್ ಜಾಲಿ.