ಲೂರ್ದ್ ಸಾಯ್ಬಿಣಿಕ್ ಸಮರ್ಪಿಲ್ಲೊ ಹೊ ಭಾಗಿ ದೀಸ್ 2022 ಫೆಬ್ರೇರ್ 11 ತಾರಿಕೆರ್ ಆಮ್ಚ್ಯಾ ಕಥೆಧ್ರಾಲಾಂತ್ ಸಂಭ್ರಮ್ಲೊ. ಮಿಸಾಚ್ಯಾ ಬಲಿದಾನಾ ದ್ವಾರಿ ಆರಂಭ್ ಕೆಲೆಂ. ಆಮ್ಚ್ಯಾ ವಿಗಾರ್ ಬಾಪಾಂನಿ ಲೂರ್ದ್ ಮಾಯೆ ವಿಶಿಂ ಮೊಟ್ವೊ ಸಂದೇಶ್ ದಿಲೊ, ವಾತಿಚ್ಯಾ ಪುರ್ಶಾವಾಂ ಸವೆಂ ಲೂರ್ದ್ ಮಾಯೆಕ್ ಆಮ್ಚೊ ಮಾನ್ ಭೆಟಯ್ಲೊ ಆನಿ ಮರ್ಯೆಮಾಯೆಚ್ಯಾ ಗ್ರೊಟ್ಟೊ ಮುಖಾರ್ ಸಾಂಗಾತಾ ಮೆಳ್ಯಾಂವ್. ತ್ಯಾ ಉಪ್ರಾಂತ್ ಲೂರ್ದ್ ಮಾಯೆಚ್ಯಾ ವಾಡ್ಯಾಗಾರಾಂನಿ ತೆರ್ಸಾಚೆ ಭಕ್ತಿಪಣ್ ಚಲೊವ್ನ್ ವ್ಹೆಲೆಂ. ಯಾಜಕ್ , ಧಾರ್ಮಿಕ್ ಭಯ್ಣಿಂನಿ ಆನಿ ಫಿರ್ಗಜ್ ಲೊಕಾಂನಿ ಭಕ್ತಿಪಣಿ ಭಾಗ್ ಘೆತ್ಲೊ . ತ್ಯಾ ಉಪ್ರಾಂತ್ ಸಹಾಯಕ್ ವಿಗಾರ್ ಬಾಪ್ ವಿನೋದಾನ್ ಪಿಡೆಸ್ತಾ ವರ್ಯ್ ವಿಶೇಷ್ ಮಾಗ್ಣೆಂ ಕೆಲೆಂ. ಅಕ್ರೆಕ್ ಲೂರ್ದ್ ವಾಡ್ಯಾಚಾ ರ್ಗುಕಾರಾನ್ ಸರ್ವಾಂಕ್ ಧನ್ಯಾವಾದ್ ಪಾಟಯ್ಲೊ ಆನಿ ಥಂಡ್ ಪಿವಾನ್ ವಾಂಟುನ್ ಲೂರ್ದ್ ಮಾಯೆಚಿ ಪರಬ್ ಆಕೇರ್ ಕೆಲಿ.