Parish News

ತಾರಿಕ್ 20.02.2022 ಅಯ್ತಾರಾ  ಸಕಾಳಿಚ್ಯಾ 8 ವೊರಾಚಾ ಮಿಸಾ ನಂತರ್ ಆಮಿ ಸರ್ವ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಸಾಂದೆ ವಿಗಾರ್ ಬಾಪ್ ಮಾನಾದಿಕ್ ಅಲ್ಫ್ರೆಡ್ ಜೆ ಪಿಂಟೊ, ಸಹಾಯಾಕ್ ವಿಗಾರ್ ಬಾಪ್ ವಿನೋದ್ ಲೋಬೊ ಆನಿ ರುಜಾಯ್ ಕೊಲೆಜಿಚೊ ಪ್ರಿನ್ಸಿಪಾಲ್ ಬಾಪ್ ವಿಕ್ಟರ್ ಡಿ ಸೋಜಾ ಸವೆಂ ಇಗರ್ಜೆಚ್ಯಾ ಕಾನ್ಫೆರೆನ್ಸ್ ಸಾಲಾಂತ್ ಸಾಂಗಾತಾ ಮೆಳ್ಳ್ಯಾಂವ್ . ಸರ್ವಾಂನಿ ಸಕಾಳಿಂಚೊ ಕಾಫಿ ಫಳಾರ್ ಸೆಂವ್ನ್ ಜಾತಾಚ್ಚ್ 16 ನಂಬ್ರ್ಚಾ ಸಿಟಿಬಸ್ಸಾರ್ ಆಮಿ 42 ಜಣಾಂ ಬಸ್ಲ್ಯಾಂವ್ , ಆನಿ ಲಾಗ್ಸಿಲ್ಯಾ ಬೋಳೊರಾ ್ಚ್ಯ ಸುಲ್ತಾನ್ ಬತ್ತೇರಿ ಲಾಗಿಂ ಸಕಾಳಿಂಚಾ  9.30 ವೊರಾರ್ ಪಾವ್ಲ್ಯಾಂವ್ . ಉಪ್ರಾಂತ್ ಥೈಂಸರ್ ಅಸ್‍ಲ್ಲ್ಯಾ ಟ್ರೋಲ್ ಬೊಟಿಚೆರ್ ಸರ್ವಾ ಬಸ್ಲ್ಯಾಂವ್ ಆನಿ ನಹಿಂ ಉತ್ರೊನ್ ತನ್ನೀರ್ ಬಾವಿಚ್ಯಾ ಫಾತಿಮಾ ಸೈಭಿಣಿಕ್ ಸಮರ್ಪಿಲ್ಲ್ಯಾ ದೇವ್ ಮಂದಿರಾಕ್ ಪಾವ್ಲ್ಯಾಂವ್. ಇಗರ್ಜೆಚಾ ಸಭಾ ಸಾಲಾಂತ್ ಆಮಿ ಸರ್ವ ಸಾಂಗಾತಾ ಮೆಳ್ಳ್ಯಾಂವ್ . ಬಾಪ್ ವಿನೋದ್ ಲೋಬೊ ಆನಿ ಭಯ್ಣ್ ಸೆಲಿನ್ ಹಾಣಿ ಸಾಂಗಾತಾ ಮೆಳೊನ್ ಆಮ್ಚೆ ಮೊದೆಂ 4 ಪಂಗಡ್ ಕರ್ನ್ ವಿವಿದ್ ರಿತಿಚೆ ಖೆಳ್ ಆಸಾ ಕರ್ನ್  ಆಮ್ಚಿ ಮನಾಂ ದಾದೊಸ್ ಕೆಲಿಂ . ಹೌಸಿ ಹೌಸಿ ಖೆಳಾಕ್ ಸಬಾರ್ ಜಣಾಂನಿ  ಪೆÇೀಷಕ್ ಜಾವ್ನ್ ಸಹಕರ್ಸಿಲೆಂ . ಖೆಳಾಂತ್ ಜಿಕ್‍ಲ್ಲ್ಯಾ ವಿಜೆತಾಂಕ್ ವಿಗಾರ್ ಬಾಪಾಂನಿ ಬಹುಮಾನಾಂ ವಿತರಣೆ ಕೆಲಿ . ಹ್ಯಾ ಅಮ್ಚ್ಯಾ ಕಾರ್ಯಾಚ್ಯಾ ಜೆವ್ಣಾಕ್ ಮಾನೆಸ್ತಿನ್ ಎಲಿಜಬೆತ್ ರೋಚ್ ಟಿಚೆರ್ ( ಅಮ್ಚಿ ಮಾಜಿ ಉಪಾಧ್ಯಕ್ಷಿಣ್ ) ಪೋಷಕ್ ಜಾವ್ನ್ ಅಸ್ಲಿಂ .ರುಚಿಕ್ ರಾಂದಾಪ್ ಸರ್ವಾಂನಿ ದಾದೊಶಿ ಸೆವ್ಲೆಂ . ಉಪ್ರಾಂತ್ 30 ಮಿನುಟಾ ಬರ್ ಬೋಟಿಂಗ್ ಅಸಾ ಕೆಲ್ಲೆಂ . ಬಾಪ್ ವಿನೋದ್ ಲೋಬೊನ್  ಸಹಕರ್ಸಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟೈಲೊ ಆನಿ ಧನ್ಯವಾದ್ ಪಾಟೈಲೆಂ . 3.30 ವೊರಾರ್  ಕಾಫಿ ಫಳಾರ್ ಸೆಂವ್ನ್ ಆಮಿ ಸರ್ವಾಂ ದರ್ಯಾ ತಡಿಕ್ ಚಮ್ಕಾಲ್ಯಾಂವ್ ಥೈಂಸರ್ ಸುಮಾರ್ 1.30 ಗಂಟೊ ಬರ್ ಉದ್ಕಾಂತ್ ಖೆಳ್ಳ್ಯಾಂವ್ ಆನಿ ಪಾಟಿಂ ಯೇಂವ್ನ್ ಫ್ರೆಶಫ್ ಜಾವ್ನ್ ನಹಿಂ ತಡಿಕ್ ಅಯ್ಲ್ಯಾಂವ್ ಟ್ರೋಲ್ ಬೊಟಿಚೆರ್ ಬಸೊನ್ ಸುಲ್ತಾನ್ ಬತ್ತೇರಿ ಯೇಂವ್ನ್ 16 ನಂಬ್ರಚ್ಯಾ ಬಸ್ಸಾರ್ ಬಸೊನ್ ರುಜಾಯ್ ಇಗರ್ಜೆ ಲಾಗಿಂ ಸುಮಾರ್ ಸಾಂಜೆಚಾ 6.30 ವೊರಾರ್ ಪಾವ್ಲ್ಯಾಂವ್ .