ರುಜಾಯ್ ಕಾಥೆದ್ರಾಲ್ ದೇವ್ ಸ್ತುತಿ ಆಯೋಗಾನ್ 2022 ಸಪ್ತೆಂಬರ್ ಮಯ್ನ್ಯಾಂಚಾ 11ತಾರ್ಕೆರ್ 3 ವರಾರ್ ಬಾಪ್ ವಿನೋದ್ ಲೋಬೊನ್ ಮಾಗ್ಣ್ಯಾಂ ಸವೆಂ ಕಾರ್ಯೆಂ ಪ್ರಾರಂಬ್ ಕೆಲೆಂ. ಸುರ್ವೆ ರ್ ವಿಗಾರ್ ಆಲ್ಫ್ರೆಡ್ ಪಿಂಟೊ ಬಾಪಾಂನಿ ತಾಂಚೊ ಸಂದೇಶ್ ದಿಲೊ ಆನಿ ಸರ್ವಾಂಕ್ ಬರೆಂ ಮಾಗ್ಲೆಂ. ಉಪ್ರಾಂತ್ ಜಮ್ಲೆಲ್ಯಾ ಸರ್ವಾಂಕ್ ಪ್ರೆಸ್ಸಿಲ್ಲ ನೊರೊನಾನ್ ಸ್ವಾಗತ್ ಕೆಲೆಂ. ಉಪ್ರಾಂತ್ ವರಾಯ್ನಾರ್ ಜಾವ್ವ್ ಆಯ್ಲೆಲ್ಯಾ ,ಬಾಪ್ ಜೋಸೆಫ್ ಉದಯ್ ಪೆರ್ನಾಂದ್, ಸಿಸ್ಟರ್ ಜೊವಿಟಾ, ಶ್ರೀಮತಿ ಬಬಿತಾ ಡೆಸಾ, ಹಾಂಕಾ ಆಪ್ಲಿ ಬಸ್ಕಾ ಸ್ವೀಕಾರ್ ಕರ್ಚಾಕ್ ಆಂಟೋನಿ ಡಿ ಸಿಲ್ವಾನ್ ಸಹಾಕಾರ್ ದಿಲೊ.

ತ್ಯಾ ಉಪ್ರಾಂತ್ ಸ್ಪರ್ದೊ ಲ್ಹಾನಾ ಭುರ್ಗ್ಯಾಂ ಥಾವ್ನ್ ಆರಂಭ್ ಕೆಲೊ. ಪಿರ್ಗಜೆಂತ್ಲ್ಯಾ ಸರ್ವ್ ವಾಡ್ಯಾಗಾರಾಂನಿ ಭಾಗ್ ಘೆವ್ನ್ ಆಪುರ್ಬಾಯೆನ್ ಸಗ್ಲೆಂ ಕಾರ್ಯೆಂ ಮಾಂಡುಂನ್ ಹಾಡ್ಲೆಂ. ತ್ಯಾ ಉಪ್ರಾಂತ್ ವೆದಿ ಕಾರ್ಯೆಂ ಆಸಾ ಕರುನ್ ವರಾಯ್ನಾರ್ ಜಾವ್ವ್ ಆಯ್ಲೆಲ್ಯಾ ಬಾಪ್ ಜೋಸೆಫ್ ಉದಯ್ ಹಾಂಣಿ ತಾಂಚಿ ಭೊಗ್ಣಾಂ ಉಚಾರ್ಲಿ ಆನಿ ಸ್ಪರ್ದ್ಯಾಂತ್ ಭಾಗ್ ಘೆತ್ಲೆಲ್ಯಾ ಸರ್ವಾಂಕ್ ಶಾಬಾಸ್ ಮ್ಹಣ್ ಉಲ್ಲಾಸಿಲೆಂ. ಉಪ್ರಾಂತ್ ವರಯ್ನಾರಾಂಕ್ ಪುಲಾಂ ಆನಿ ಉಗ್ಡಾಸಾಚಿ ಕಾಣಿಕ್ ದಿಲಿ. ಬಾಪ್ ಸಂತೋಷಾನ್ ವರಾಯ್ನಾರಾಂನಿ ತಪಾಸ್ನಿ ಕೆಲ್ಲ್ಯಾ ಲೆಕಾಚಿ ಆಂಕ್ ಪಟ್ಟಿ ಕೆಲಿ. ಆನಿ ಬಾಪ್ ವಿನೋದ್ ಹಾಂಣಿ ಪಲಿತಾಂಶ್ ಪರ್ಗಟ್ಲೆಂ. ಕಾರ್ಯ ನಿರ್ವಾಹಾಕ್ ಜಾವ್ನ್ ಪ್ರೆಸ್ಸಿಲ್ಲ ನೊರೊನಾನ್ ಕಾರ್ಯೆಂ ಚಲವ್ನ್ ವೆಲೆಂ. ಲಿನೆಟ್ ಡಿಸೋಜಾ ಆನಿ ಜೇನ್ ರೋಜಾರಿಯೊ ಹಾಂಣಿ ನಾಂವಾಂ ದಾಖಲ್ ಕರ್ಚಾಕ್ ಸಹಾಕಾರ್ ದಿಲೊ. ನಿಮಾಣೆಂ ಜಮ್ಲೆಲ್ಯಾ ಸರ್ವಾಂಕ್ ಸಿಸ್ಟರ್ ಸಿಂತಿಯಾನ್ ದನ್ಯಾವಾದ್ ಪಾಟಯ್ಲೆಂ.

 

 

Comments powered by CComment

Home | Parish | News | Sitemap | Contact

Copyright © 2013 www.rosariocathedral.org. All rights reserved.
Powered by eCreators