Parish News

ಸಪ್ಟೆಂಬರ್ 18 ತಾರಿಕೆರ್ ಆಯ್ತಾರಾ ಸಾಂಜೆರ್ 4.30 ವ್ಹರಾರ್ ಮಾನೆಸ್ತ್ ಅಂಟೊನಿ  ಡಿಸಿಲ್ವಚಾ ಘರಾ ವಾಡ್ಯಾ ಜಮಾತ್ ಆನಿ ನವೆಂ ಸೆಂವ್ಚೆಂ ಕಾರ್ಯೆಂ ಚಲ್ಲೆಂ. ಘರ್ಚ್ಯಾಯೆಜ್ಮಾನ್ಯಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಉಪ್ರಾಂತ್ ಮರ್ಯೆಕ್ ಫುಲಾಂ ಅರ್ಪುಂಚೆ ಕಾರ್ಯೆಂ ಕೆಲೆಂ.  ಸುರ್ವೆರ್ ಸಕ್ಕಡ್ ಸಾಂಗಾತಾ ಮೆಳ್ಯಾಂ ಮ್ಹಳ್ಯಾ ಕಂತಾರಾ ಸವೆಂ ಸರ್ವಾಂನಿ ಫುಲಾಂ ಘೆವುನ್ ಮರಿಯೆಕ್ ಫುಲಾಂ ಅರ್ಪಿಲಿಂ.  ಧರ್ಮಭಯ್ಣಿ  ಸಿಸ್ಟರ್ ಸೆಲಿನ್ ಆನಿ ಸಿಸ್ಟರ್ ಅಶ್ಮಿತಾ ಹಾಜರ್ ಆಸ್‍ಲ್ಲಿಂ. ಸಿಸ್ಟರ್ ಸೆಲಿನಾನ್ ವೊರ್ನಾ ವಯ್ರ್ ದೆವಾಚೊ ಆಶಿರ್ವಾದ್ ಮಾಗ್ಲೊ.  ಘರ್ಚೊ ಯೆಜ್ಮಾನ್ ಮಾನೆಸ್ತ್ ಆಂಟನಿ ಡಿಸಿಲ್ವಾನ್ ನವೆಂ ಭರ್ಸುನ್ ಸಕ್ಡಾಂಕ್‍ಯಿ ವೋರ್ನ್ ಪಿಯೆಂವ್ಕ್ ದಿಲೆಂ.  ಜಮಾತೆಕ್ ಒಟ್ಟುಕ್ 25 ಜಣ್ ಹಾಜರ್ ಆಸ್‍ಲ್ಲೆ.  ಜೂನ್ 12 ತಾರಿಕೆರ್ ಚಲ್‍ಲ್ಲ್ಯಾ ಫೆಸ್ತಾಚಾ ಸಹಮಿಲನಾಚೆ ಲೇಕ್ ಪಾಕ್ ಜಮಾತೆಂತ್  ದವರ್ಲೆಂ. ಫಾದರ್ ವಿನೋದ್ ಲೋಬೊಚೊ ಜಲ್ಮಾ ದಿವಸ್ ಆಚರಣ್ ಕೆಲೊ.  ಕೇಕ್ ದವರ್ನ್ ಸರ್ವಾಂನಿ ಉಲ್ಲಾಸ್ ಪಾಟಯ್ಲೊ.  ಫಾದರ್ ವಿನೋದ್ ಹಾಜರ್ ನಾತ್‍ಲ್ಲೆ ವರ್ವಿಂ ಆಮಿ ವೀಡಿಯೊ ಕರ್ನ್ ತಾಂಕಾ ಧಾಡ್ಲೊ.  ಅಖ್ರೇಕ್ ಮಾನೆಸ್ತಿಣ್ ಡೋರಿನ್ ಡಿಸೋಜನ್ ಆಯಿಲ್ಲ್ಯಾ ಸರ್ವಾಂಕ್ ಅಭಿನಂದನ್ ಪಾಟಯ್ಲೆಂ. ಆನಿ ಮುಕ್ಲಿ ಜಮಾತ್ ಮಾನೆಸ್ತಿಣ್ ಡೋರಿನ್ ಡಿಸೋಜ ಗೆರ್ ಮ್ಹಣ್ ತಿಳ್ಸಿಲೆಂ.  ಮಾನೆಸ್ತ್ ಆಂಟನಿ ಡಿಸಿಲ್ವಾನ್ ಸರ್ವಾಂಕ್ ಫಳಾರ್ ದೀವ್ನ್ ಸರ್ವಾಂಚಿ ಮನಾ ಸಂತೊಸ್ ಕೆಲಿಂ.  5.30 ವರಾರ್ ಜಮಾತ್ ಅಖೇರ್ ಕೆಲಿ.