July 20, 2017: ಫಿರ್ಗಜೆಚ್ಯಾ ಯುವಜಣಾಂಕ್ ಸಾಂಗಾತಾ ಹಾಡ್ಚ್ಯಾ ದಿಶೆನ್ ಆರ್ ವೈ ಎಮ್ ಸಂಘಾನ್ ‘Arise’ ಮ್ಹಳ್ಳೊ ಯುವಸಮಾವೇಷ್ ಜುಲಾಯಾಚ್ಯಾ 16 ತಾರಿಕೆರ್ ಆಯ್ತಾರಾ ಮಿಸಾ ಉಪ್ರಾಂತ್ ರುಜಾಯ್ ಕಲ್ಚರಲ್ ಸಾಲಾಂತ್ ಚಲಯ್ಲೊ. ಹ್ಯಾ ಸಮಾವೇಷಾಕ್ ಆಧ್ಯಕ್ಷ್ ಜಾವ್ನ್ ಕಾಥೆದ್ರಾಲಾಚೆ ರೆಕ್ಟರ್ ಆನಿ ಸಂಘಾಚ್ಯೆ ದಿರೆಕ್ತೊರ್ ಬಾಪ್ ಜೆ.ಬಿ ಕ್ರಾಸ್ತಾ ತಶೆಂಚ್ ಮುಖೇಲ್ ಸಯ್ರೆ ಜಾವ್ನ್ ಪ್ರಾದ್ಯಾಪಕ್ ಮಾನೇಸ್ತ್ ಸ್ಟಿವನ್ ಕ್ವಾಡ್ರಸ್, ಪೆರ್ಮುದೆ, ಸಹ-ದಿರೆಕ್ತೊರ್ ಬಾಪ್ ಅನಿಲ್ ಫೆರ್ನಾಂದ್ ಹಾಜರ್ ಆಸ್‍ಲ್ಲೆ.

 

 

 

 

 

ಬಲೂನ್ ರೋಹಣ್ ಕರ್ನ್ ಫುಟಂವ್ಚ್ಯಾ ಮುಕಾಂತ್ರ್ ಆಕರ್ಶಿತ್ ರಿತಿನ್ Arise ಕಾರ್ಯೆಂ ಉಗ್ತಾವಣ್ ಜಾಲೆಂ ಮಾನೇಸ್ತ್ ಸ್ಟಿವನ್ ಕ್ವಾಡ್ರಸ್ ಹಾಂಣಿ ಯು.ಪಿ.ಎಸ್.ಸಿ ಸ್ಪರ್ಧಾತ್ಮಕ್ ಪರೀಕ್ಷೆಂಕ್ ತಯಾರ್ ಜಾಂವ್ಚೆಂವಿಶಿಂ ಆನಿ ಸರ್ಕಾರಿ ಕಾಮಾಂ ಆಪ್ಣಾಂವ್ಚ್ಯಾಕ್ ಗರ್ಜ್ ಆಸ್ಚಿ ಸರ್ವ್ ಮಾಹೆತ್ ಆಟಾಪ್ಚೆಂ ಆರ್ಧ್ಯಾ ದಿಸಾಚಿ ಶಿಕೊವ್ಣ್ ದೀವ್ನ್ ಯುವಜಣಾಂಕ್ ಉತ್ತೆಜಿತ್ ಕೆಲೆಂ. ದೊನ್ಪಾರಾಂ ಜೆವ್ಣಾ ಉಪ್ರಾಂತ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ಯುವಜಣಾಂಕ್ ಮನೋರಂಜನ್ ಖೆಳ್, ಪಂಗಡ್ ಚಟುವಟಿಕೊ ಆನಿ ನಾಚ್ ಸಹ-ದಿರೊಕ್ತೊರ್ ಬಾಪ್ ಆನಿಲಾ ಫೆರ್ನಾಂದಿಸಾನ್ ಮಾಂಡುನ್ ಹಾಡ್ಲೆಂ.

ಹ್ಯಾ ಸಮಾವೇಷಾಕ್ ವೈ.ಸಿ.ಎಸ್ ಸಾಂದ್ಯಾಂಚ್ಯಾ ಸಾಂಗಾತ್ಪಣಾ ಸಾಂಗಾತಾ ಒಟ್ಟುಕ್ 40 ಯುವಜಣಾಂನಿ ಭಾಗ್ ಘೆವ್ನ್ ಕಾರ್ಯಾಚೊ ಫಾಯ್ದೊ ಜೊಡ್ಲೊ. ಸಗ್ಳೆಂ ಕಾರ್ಯೆಂ ಗ್ಲ್ಯಾಡಸನ್ ಮೊಂತೇರೊಚ್ಯಾ ಆಧ್ಯಕ್ಷ್‍ಪಣಾಖಾಲ್ ಆನಿ ಸರ್ವ್ ಆರ್.ವೈ.ಎಮ್ ಆನಿ ವೈ.ಸಿ.ಎಸ್ ಹುದ್ದೆದಾರಾಂಚ್ಯಾ ಸಹಕಾರಾನ್ ಯಶಸ್ವಿ ಜಾಲೆಂ. ಕುಮಾರಿ ಶೆಫಾಲಿನ್ ಕಾರ್ಯೆಂ ನಿರ್ವಹಣ್ ಕೆಲೆಂ.

 

 

 

 

 

 

 

 

 

 

 

 

 

 

 

 

 

Comments powered by CComment

Home | Parish | News | Sitemap | Contact

Copyright © 2013 www.rosariocathedral.org. All rights reserved.
Powered by eCreators