ಸಾಂ. ತೆರೆಜ್ ವಾಡ್ಯಾಂತ್ ಕ್ರಿಸ್ಮಸ್ ಫೆಸ್ತಾಚೆಂ ಆಚರಣ್

ಡಿಸೆಂಬರ್ 17 ತಾರಿಕೇರ್  ಮಾನೆಸ್ತ್  ಓಸ್ಕರ್ ನೊರೊನ್ಹಾಚಾ ಘರಾ ಸಾಂಜೆರ್ 4.30 ವೊರಾರ್ ಕ್ರಿಸ್ಮಸ್ ಫೆಸ್ತ್ ಆಚರಣ್ ಕೆಲೆಂ . ವಾಡ್ಯಾಚಾ ಗುರ್ಕಾನಿನ್ ಜೆಸ್ಸಿ ಆಲ್ವಾರಿಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ವಿಗಾರ್ ಬಾಪಾಕ್  ಆನಿ ನವೆಂ ಕುಟಮ್ ಶ್ರೀಮಾನ್  ಡೊನಾಲ್ಡ್  ಪೂರ್ಟಾಡಾಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ .

ಕಾರ್ಯನಿರ್ವಾಹಕಿ ಜಾವ್ನ್ ಆಡ್ಲಿನ್ ಆಲ್ವಾರಿಸಾನ್ ಕಾರ್ಯಕ್ರಮ್ ಚಲವ್ನ್ ವೆಲೆಂ . ಸುರ್ವಿಲ್ಲ್ಯಾ ಗೀತಾದ್ವಾರಿ ಕಾರ್ಯಕ್ರಮ್  ಪ್ರಾರಂಬ್ ಕೆಲೆಂ.   ಇಗ್ನೇಶಿಯಾ  ಡಿ ಸೋಜನ್  ದೆವಾಚೆಂ ಉತಾರ್ , ಟ್ರಿಜ್ಹಾ ನೊರೊನ್ಹಾನ್  ಆನಿ ಮರಿಯ ಫೆರ್ನಾಂಡಿಸಾನ್ ಭಾವಾರ್ಥಾಚಿಂ ಪ್ರಾರ್ಥನ್ ವಾಚ್ಲೆಂ. ಐಡಾ ಪೂರ್ಟಾಡೊನ್  ಖೆಳ್  ಚಲವ್ನ್ ವ್ಹರ್ನ್  ಜಿಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲೆಂ . ವಿಗಾರ್ ಬಾಪಾನಿಂ ಫೆಸ್ತಾಚೊ ಸಂದೇಶ್ ದಿಲೊ . ಜೀನ್  ಆನಿ ಸಾಂಗಾತ್ಯಾಂನಿ ಕ್ರಿಸ್ಮಸ್ ಗೀತಾಂ  ಗಾಯ್ಲೆಂ.ಸಾಂತಾಕ್ಲಾಸ್ ಸಾಂಗಾತಾ ಭುರ್ಗ್ಯಾಂನಿ ನಾಸುನ್ ಸಂತೋಷ್ ದೊಡ್ತೊ ಕೆಲೊ.ಹ್ಯಾ ಫೆಸ್ತಾಕ್ ವಿಗಾರ್ ಬಾಪ್, ಅರ್ಸುಲ್ನಾಯ್ ಕೊವೆಂತಾಚಿ ಧರ್ಮ್ ಭಯ್ಣ್ ಸಿ.ಪ್ರೆಸಿಲ್ಲಾ ಆನಿ ಸಿ.ಆಶ್ಮಿತಾ , ವಾಡ್ಯಾಗಾರಾಂ ಆನಿ ಸೆಜಾರಿ ಆಕ್ರಿಸ್ತಾಂವ್ ಬಾವ್ ಭಯ್ಣ್ ಆನಿ ಭುರ್ಗಿಂ ಹಾಜರ್ ಆಸ್ಲಿಂ.  ಸರ್ವಾಂಕ್ ಥಂಡ್ ಪೀವನ್ ಆನಿ ಕುಸ್ವಾರ್ ವಾಂಟ್ಲೆಂ.

ಆಖೇರಿಕ್ ವಾಡ್ಯಾಚೊ ಪ್ರತಿನಿಧಿ  ಮೆಲ್ವಿನ್ ಫೆರ್ನಾಂಡಿಸಾನ್ ಧನ್ಯವಾದ್ ಪಾಠವ್ನ್ ಸಂಭ್ರಮ್ ಅಖೇರ್ ಕೆಲೊ.