Parish News

ಆಕ್ಟೋಬರ್ 01, 2023: ರೊಜಾರ್ ಮಾಯೆಚ್ಯಾ ಫೆಸ್ತಾ ಸಂದರ್ಭಿ ಸರ್ವ್ ಫಿರ್ಗಜ್ ಕುಟ್ಮಾಚೊ ಎಕ್ತಾರ್ ಆಟಾಪ್ಚೆಂ ಭಾವ್-ಭಾಂದವ್ಪಣಾಚೊ ಆಯ್ತಾರ್ ವಾ ಕೊಂಫ್ರಿಚೊ ಆಯ್ತಾರ್ ಆಕ್ಟೋಬರ್ 1 ತಾರಿಕೆರ್ ಭೋವ್ ಸಂಭ್ರಮಾನ್ ಚಲ್ಲೊ. ಪ್ರಧಾನ್ ಯಾಜಕ್ ಬಾಪ್ ಮ್ಯಾಕ್ಸಿಂ ಎಲ್. ನೊರೊನ್ಹಾ ಹಾಣಿ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಎವ್ಕರಿಸ್ತಾಚೆಂ ಆರಾಧನ್ ಬಾಪ್ ವಿನೋದ್ ಲೋಬೊ ಬಾಪಾಂನಿ ಚಲೊವ್ನ್ ವ್ಹೆಲೆಂ. ‘ಕುಟಾಮ್-ಎವ್ಕರಿಸ್ತ್ ಜಿಯೆಂವ್ಚೆಂ ಥಳ್’ ಮ್ಹಳ್ಳ್ಯಾ ವಿಶಯಾಚೆರ್ ಆರ್ಥಾಭರಿತ್ ಪ್ರಸಂಗ್ ದಿಲೊ. ಎವ್ಕರಿಸ್ತಾ ಭೊಂವಾರಿ ಫಿರ್ಗಜ್ ಕುಟ್ಮಾಚೊ ಎಕ್ವಟ್ ಜಾಂವ್ಚ್ಯಾಕ್ ಎವ್ಕರಿಸ್ತಾಚೊ ಖರೊ ಆರ್ಥ್ ಸಮ್ಜೊನ್ ಎವ್ಕರಿಸ್ತಾಕ್ ಮಾನ್ ಆನಿ ಗೌರವ್ ಚಡಂವ್ಚ್ಯಾಕ್ ಮಾಗ್ಲೆಂ ಆನಿ ಕುಟ್ಮಾಚೆಂ ಸಮರ್ಪಣ್ ಕೆಲೆಂ.