ಸಾಂ ಪಾವ್ಲ್ ವಾಡ್ಯಾಂತ್ ಕ್ರಿಸ್‍ಮಸ್ ಆಚರಣ್

ಡಿಸೆಂಬರಾಚಾ 17 ತಾರಿಕೆರ್ ಸಾಂಜೆರ್ 6.30 ವೊರಾರ್ ಶ್ರೀಮತಿ ಎವ್ಲಿನ್ ಡಿ'ಸೋಜ (ಬ್ಲ್ಯಾನಿ ಡಿ'ಸೋಜ) ಘರಾ ಕ್ರಿಸ್‍ಮಸ್ ಆಚರಣ್ ಕೆಲೆಂ. ಮಾನೆಸ್ತ್ ಬ್ಲ್ಯಾನಿ ಡಿ'ಸೋಜನ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ಮೊಗಾನ್ ಸ್ವಾಗತ್ ಕೆಲೆಂ. ಶ್ರೀಮತಿ ಜೆಸ್ಸಿ ಅಲ್ಮೇಡಾನ್ ಮಾಗ್ಣ್ಯಾದ್ವಾರಿಂ ದೆವಾಚೊ ಆಶಿರ್ವಾದ್ ಮಾಗೊನ್ ಹ್ಯಾ ಸಂಭ್ರಮಾಚಿ ಸುರ್ವಾತ್ ಕೆಲಿ. ಉಪ್ರಾಂತ್ ವಿಗಾರ್ ಮಾನಾಧಿಕ್ ಬಾಪ್ ಅಲ್ಫ್ರೆಡ್ ಪಿಂಟೊ ಹಾಣಿಂ ಭೋವ್ ಅರ್ಥಾಭರಿತ್ ರಿತಿನ್ ಕ್ರಿಸ್‍ಮಸ್ ಸಂದೇಶ್ ದಿಲೊ. ಉಪ್ರಾಂತ್ ವಾಡ್ಯಾಚಾ ಸಾಂದ್ಯಾಂನಿ ವಿಗಾರ್ ಬಾಪಾ ಸಂಗಿಂ ಮೆಳೊನ್ ಕ್ರಿಸ್‍ಮಸ್ ಕಂತಾರಾಂ ಗಾಯ್ಲಿಂ. ಉಪ್ರಾಂತ್ ವಾಡ್ಯಾಂತ್ ಮಾಲ್ಗಡಿ ಜಾವ್ನ್ ಆಸ್ಚ್ಯಾ ಶ್ರೀಮತಿ ಎವ್ಲಿನ್ ಡಿ'ಸೋಜ ಆನಿ ವಿಗಾರ್ ಬಾಪಾ ಸಂಗಿ ಮೆಳೊನ್ ಕೇಕ್ ಕಾತರ್ನ್ ನತಲಾಂ ಫೆಸ್ತಾಚೊ ಸಂಭ್ರಮ್ ವಾಂಟುನ್ ಘೆತ್ಲೊ. ನಂತರ್ ವಾಡ್ಯಾಗಾರಾಂನಿ ಹಾಡ್‍ಲ್ಲೊ ಕೇಕ್ ಅನಿ ಕುಸ್ವಾರ್ ಸೆವುನ್ ಎಕಾಮೆಕಾ ನತಲಾ ಫೆಸ್ತಾಚೊ ಶುಭಾಶಯ್ ಪಾಠಯ್ಲೆ. ನಿಮಾಣೆ ಶ್ರೀಮತಿ ಜನೆಟ್ ಕ್ರಾಸ್ತಾನ್ ಧನ್ಯವಾದ್ ಸಮರ್ಪಿಲೆಂ.