ಸೆಪ್ಟೆಂಬರ್ 08, 2017: ಹ್ಯಾ ವರ್ಸಾಚೆಂ ಮೊಂತಿ ಫೆಸ್ತ್ ಆಚರಣ್ ಬೋವ್ ಭಕ್ತಿಪಣಾನ್ ಆನಿ ಶಿಸ್ತೆನ್ ಚಲ್ಲೆಂ. ನೋವ್ ದಿಸಾಚೆಂ ನೊವೆನ್ ಕರ್ನ್ ಭುರ್ಗ್ಯಾಂನಿ ಬಾಳೊಕ್ ಮರ್ಯೆಕ್ ಫುಲಾಂ ಆರ್ಪಣ್ ಕೆಲ್ಲಿ ರೀತ್ ಸಮೆಸ್ತಾಂಕ್ ಪಸಂದ್ ಜಾಲಿ. ಫೆಸ್ತಾ ದಿಸಾ ಗ್ಲ್ಯಾಡ್‍ಸಮ್ ಘರ್- ಮೈನರ್ ಸೆಮಿನರಿ, ಮಂಕಿಸ್ಟ್ಯಾಂಡ್ ಹಾಂಗಾಸರ್ ನವೆಂ ಬೆಳೆಂ (ಭಾತಾಚಿ ಕಣ್ಶಿ) ಬೆಂಜಾರ್ ಕರ್ನ್ ಸುರ್ವಿಲ್ಯಾ ಮಾಗ್ಣ್ಯಾದ್ವಾರಿಂ ಪುರ್ಶಾಂವಾಕ್ ಸುರ್ವಾತ್ ದಿಲಿ. ಉಪ್ರಾಂತ್ ಸುಂರ್ಗಾರಾಯಿಲ್ಲ್ಯಾ ವಾಹಾನಾಚೆರ್ ಬಾಳೊಕ್ ಮರ್ಯೆಚ್ಯಾ ಇಮಾಜಿ ಸಾಂಗಾತಾ ಪುರ್ಶಾಂವ್ ಸಕಾಳಿಂ 7 ವರಾರ್ ರುಜಾಯ್ ಕಾಥೆದ್ರಾಲಾಚೆ ಕುಶಿನ್ ಚಮ್ಕಾಲೊ. ಉಪ್ರಾಂತ್ ಇಗರ್ಜೆಚ್ಯಾ ಮರ್ಯೆಚ್ಯಾ ಗ್ರೊಟ್ಟ್ಯಾ ಸಾಮ್ಕಾರ್ ಬಾಳೊಕ್ ಮರಿಯೆಕ್ ಫುಲಾಂ ಅರ್ಪಿಲಿಂ.
ದಿಯೆಸೆಜಿಚೆ ವಿಗಾರ್ ಜೆರಾಲ್ ಭೋವ್ ಮಾ| ಮೊಂನ್ಸಿಂಜೊರ್ ಡೆನಿಸ್ ಮೊರಾಸ್ ಪ್ರಭು ಬಾಪಾಂನಿ ಪ್ರಧಾನ್ ಮಣಿಯಾರಿ ಜಾವ್ನ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಬಾಪ್ ಆನಿಲ್ ಫೆರ್ನಾಂದಾನ್ ‘ಮರ್ಯೆಚೆಂ ಆದರ್ಶ್ ಘೆವ್ನ್ ಮೊಗಾಚಿ ಕುಟ್ಮಾ-ಸಮುದಾಯ್ ಭಾಂಧುನ್ ಹಾಡ್ಯಾಂ’ ಮ್ಹಳ್ಳ್ಯಾ ವಿಶಯಾಚೆರ್ ಆರ್ಥಾಭರಿತ್ ಪ್ರಸಂಗ್ ದಿಲೊ. ಸಹಭೆಟವ್ಣ್ಯೆಂತ್ ಕಾಥೆದ್ರಾಲಾಚ್ಯೆ ರೆಕ್ಟಾರ್ ಬಾಪ್ ಜೆ.ಬಿ. ಕ್ರಾಸ್ತಾ, ಬಾಪ್ ರೊಕ್ಕಿ, ಬಾಪ್ ವಿನ್ಸೆಂಟ್ ಆನಿ ಬಾಪ್ ಜಗಧೀಶ್ ಹಾಜರ್ ಆಸ್‍ಲ್ಲೆ. ಫೆಸ್ತಾಚಿ ದೇವ್‍ಸ್ತುತಿ ಮರ್ಯಾಳ್ ಸೊಡೆಲಿಟಿಚ್ಯಾ ಭುರ್ಗ್ಯಾಂನಿ ಭೋವ್ ಆರ್ಥಾಭರಿತ್ ರಿತಿನ್ ಚಲವ್ನ್ ವೆಲಿ. ಸಾಂಗಾತಾಚ್ಚ್ ತಾಂಚ್ಯಾ ಮಧುರ್ ಗಾಯಾನಾಂನಿ ದೇವ್‍ಸ್ತುತೆಚೊ ಸಂಭ್ರಮ್ ಚಡಯ್ಲೊ. ಫೆಸ್ತಾಚ್ಯಾ ಸಂದರ್ಭಿ ಚಡಿತ್ ಆನಿ ಸೊಭಿತ್ ರಿತಿನ್ ಫುಲಾಂ ಮಾಂಡ್‍ಲ್ಲ್ಯಾ ಭುಗ್ರ್ಯಾಂಕ್ ಸ್ಪರ್ಧೊ ಆಸಾ ಕೆಲ್ಲೊ. ಹ್ಯಾ ಸ್ಪರ್ದ್ಯಾಂತ್ ಬಹುಮಾನ್ ಆಪ್ಣಾಯ್ಲಲಿಂ: ಪಯ್ಲೆಂ - ರೊಬಿನ್ ನೊರೊನ್ಹಾ, ದುಸ್ರೆಂ - ಸ್ಟ್ಯಾಲೊನ್ ಫೆರ್ನಾಂಡಿಸ್ ಆನಿ ತಿಸ್ರೆಂ - ಡಿಲ್ಲೊನ್ ಫುರ್ಟಾಡೊ. ಫೆಸ್ತಾಚ್ಯಾ ಪುರ್ಶ್ಯಾಂವಾಚಿ ಮಾಂಡಾವಳ್ ಸಂಚಾಲಕ್ ಶ್ರೀ ವಿಲಿಯಮ್, ಪವಿತ್ರ್ ಕಾಳ್ಜಾ ವಾಡೊ ಹಾಂಣೆಂ ಘೆತ್‍ಲ್ಲಿ.
More Photos...
Comments powered by CComment