ಸಾಂ ಪಾವ್ಲ್ ವಾಡ್ಯಾಂತ್ ಫೆಸ್ತಾಚೊ ಸಂಭ್ರಮ್

2023 ಜುಲಾಯ್ ಚಾ 9 ತಾರಿಕೆರ್ ಸಕಾಳಿಂ 8 ವರಾಂಚ್ಯಾ ಮಿಸಾಚಾ ಬಲಿದಾನಾ ಸವೆಂ ವಾಡ್ಯಾಚೊ ದಿವಸ್ ವಾಡ್ಯಾಗಾರಾ ಸಂಗಿಂ ಆರಂಭ್ ಕೆಲೊ. ತ್ಯಾ ದಿಸಾ ಸಾಂಜೆರ್ 6 ವರಾರ್ ಇಗರ್ಜೆಚ್ಯಾ ಮಿನಿ ಸಾಲಾಂತ್ ಫೆಸ್ತಾಚೆಂ ಆಚರಣ್ ಕೆಲೆಂ. ಕಂತಾರ್ ಆನಿ ಮಾಗ್ಣ್ಯಾದ್ವಾರಿಂ ಕಾರ್ಯೆಂ ಆರಂಭ್ ಕೆಲೆಂ. ವಿಗಾರ್ ಬಾಪಾ೦ನಿ ದೆವಾಚಾ ಉತ್ರಾಂಚೆರ್ ನಿಯಾಳ್ ದಿಲೊ . ಕುಮಾರಿ ಡೊನಾ ಡಿಸೋಜನ್ ಹಾಜರ್ ಅಸಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಯಾಜಕಾಂಕ್ ತಶೆಂಚ್ ಸಯ್ರೆ ಜಾವ್ನ್ ಆಯಿಲ್ಲ್ಯಾ ನಿತ್ಯಾಧಾರ್ ವಾಡ್ಯಾಚೆ ಗುರ್ಕಾರ್ ಮಾನೆಸ್ತ್ ಹಿಲರಿ ಮಾರ್ಟಿಸ್, 21 ಆಯೋಗಾಚೆ ಸಂಚಾಲಕ್ ಸಿರಿಲ್ ರೊಜಾರಿಯೋ, ಹಾಂಕಾ ಗುರ್ಕಾರಾನ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ವಾಡ್ಯಾಂತ್ ಮಾಲ್ಘಡಿ ಜಾವ್ನ್ ಅಸ್ಚ್ಯಾ ಶ್ರೀಮತಿ ಎವ್ಲಿನ್ ಡಿಸೋಜ ಆನಿ ಶ್ರೀಮತಿ ವೊಲ್ಗಾ ಲೋಬೊಕ್ ಫುಲಾಂ ಆನಿ ಫಳಾಂ ದೀವ್ನ್ ಸನ್ಮಾನ್ ಕೆಲೆಂ. ಶಿಕ್ಪಾಂತ್ ಬರೆ ಅಂಕ್ ಜೊಡ್‍ಲ್ಲ್ಯಾ ಭುರ್ಗ್ಯಾಂಕ್ ಫುಲಾಂ ದೀವ್ನ್ ಉಲ್ಲಾಸಿಲೆಂ. ಮನೋರಂಜನಾಚೊ ವಾಂಟೊ ಜಾವ್ನ್ ವಾಡ್ಯಾಗಾರಾಂನಿ ಥೊಡೆ ಖೆಳ್, ಗಾಯನ್ ತಶೆಂಚ್ ಹಾಸ್ಯ್ ನಾಟ್ಕುಳೊ ಸಾದರ್ ಕೆಲೊ. ಉಪ್ರಾಂತ್ ಹೌಸಿ-ಹೌಸಿ ಖೆಳ್‍ಅಸಾ ಕೆಲೆ. ಸಹಾಯಕ್ ವಿಗಾರಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ. ಮಾನೆಸ್ತ್ ಸಿ.ಜೆ. ಸೈಮನ್ ಹಾಣಿಂ ಧನ್ಯವಾದ್ ಸಮರ್ಪಿಲೆಂ. ಕುಮಾರಿ ಎಡ್ರಿಯಾನಾ ಡಿಸೋಜನ್ ಸಗ್ಳೆಂ ಕಾರ್ಯ ನಿರ್ವಹಿಸಿಲೆಂ . ನಿಮಾಣೆಂ ಜೆವ್ಣಾಸವೆಂ ಹೆಂ ಕಾರ್ಯೆಂ ಅಖೇರ್ ಕೆಲೆಂ.