Aug 15, 2017: ದಿಯೆಸೆಜಿಚೊ ವಿಗಾರ್ ಜೆರಾಲ್ ಭೋವ್ ಮಾನಾಧಿಕ್ ಮೊನ್ಸಿಂಜೊರ್ ಡೆನಿಸ್ ಮೊರಾಸ್ ಫ್ರಭು ಬಾಪಾಂಚ್ಯಾ ಸಂಭ್ರಮಿಕ್ ಮಿಸಾ ಸವೆಂ ಮರ್ಯೆಚ್ಯಾ ಸರ್ಗಿ-ವ್ಹರಣಾಚೆಂ ಫೆಸ್ತ್ ಭೋವ್ ದಬಾಜಾನ್ ಆಚರ್ಸಿಲೆಂ. ರೊಜಾಯ್ ಕಾಲೇಜಿಚೊ ಪ್ರಾಂಶುಪಾಲ್ ಮಾ| ಬಾ ರೊಕ್ಕಿ ಬಾಪಾಂನಿ ಆರ್ಥಾಭರಿತ್ ದೆವಾಚ್ಯಾ ಉತ್ರಾಚೊ ಪ್ರಸಂಗ್ ದಿಲೊ. ಮಿಸಾಚಿ ದೇವ್‍ಸ್ತುತಿ ಆರ್.ವೈ.ಎಮ್ ಯುವಸಂಘಚ್ಯಾ ಸಾಂದ್ಯಾಂನಿ ವೆಲಿ.
ಮಿಸಾಚೆ ಆಕ್ರೇರ್ ರೊಜಾರ್ ಮಾಯೆಚೆಂ ಭಕ್ತಿಪಣ್ ಆನಿ ಆಸ್ತಿತ್ವ್‍ಪಣಾಚ್ಯಾ 450 ವರ್ಸಾಂಚ್ಯಾ ಉಗ್ಡಾಸಾಕ್ 450 ಫಿರ್ಗಜ್ ಕುಟ್ಮಾಂಕ್ 450 ಮಿನುಟಾಂಚ್ಯಾ ಮರ್ಯೆಚ್ಯಾ ಭೆಟೆಕ್ ತಯಾರ್ ಕೆಲ್ಲಿ ಇಮಾಜ್ ಮೊನ್ಸಿಂಜೊರ್ ಬಾಪಾಂನಿ ಆಶೀರ್ವಾಚನ್ ಕೆಲಿ.
ಮಿಸಾ ಉಪ್ರಾಂತ್ ಭಾರತ್‍ಮಾತಾಕ್ ಮಾನ್ ಕರ್ನ್ ಧ್ವಜಾರೋಹಣ್ ಕಾರ್ಯೆಂ ಆರ್.ವೈ.ಎಮ್ ಸ್‍ಂಘಾನ್ ಮಾಂಡುನ್ ಹಾಡ್‍ಲ್ಲೆಂ. ಮುಕೇಲ್ ಸಯ್ರೊ ಜಾವ್ನ್ ಆಯಿಲ್ಲ್ಯಾ ಗ್ರೂಪ್ ಕ್ಯಾಪ್ಟನ್ ಮಾನೇಸ್ತ್ ಲೆಸ್ಲಿ ರೆಬೆಲ್ಲೊ, ಕಲ್ಯಾಣ್‍ಪುರ್ ಧ್ವಜರೋಹಣ್ ಕೆಲೆಂ. ದಿಸಾಚ್ಯಾ ಮಹತ್ವಾವಿಶಿಂ ಆಪ್ಣಾಚಿ ಭೊಗ್ಣಾಂ ಉಚಾರ್ನ್ ಆಮ್ಚ್ಯೆ ಥಂಯ್ ಸಮರ್ಪಿತ್ ಮನೋಭಾವ್ ನಾತ್‍ಲ್ಲೆವರ್ವಿಂ ಸ್ವಾತಂತ್ರೊತ್ಸವಾಚೊ ಖರೊ ಸಂತೊಸ್ ಆಮ್ಕಾಂ ಲಾಭಾನಾ ಮ್ಹಳ್ಳಿ ಆಭಿಪ್ರಾಯ್ ಉಚಾರ್ಲಿ. ಉಪ್ರಾಂತ್ ವಿಗಾರ್ ಜೆರಾಲ್ ಬಾಪಾಂನಿ ಸಮೆಸ್ತಾಂಕ್ ದೆಚಾಚೆಂ ಶಭಾಶಯ್ ಪಾಟಯ್ಲೆ.
ಹ್ಯಾ ಕಾರ್ಯಾಕ್ ಕಾಥೆದ್ರಾಲಾಚೆ ರೆಕ್ಟರ್ ಬಾಪ್ ಜೆ. ಬಿ ಕ್ರಾಸ್ತಾ, ಸಹ-ದಿರೆಕ್ತೊರ್ ಬಾಪ್ ಅನಿಲ್ ಫೆರ್ನಾಂದ್, ಬಾಪ್ ರೊಕ್ಕಿ, ಬಾಪ್ ವಿನ್ಸೆಂಟ್, ತಶೆಂಚ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಮಾನೇಸ್ತ್ ಸಿ. ಜೆ ಸೈಮನ್, ಕಾರ್ಯದರ್ಶಿ ಮಾನೇಸ್ತಿಣ್ ಎಲಿಜಾಬೆತ್ ರೋಚ್ ಹಾಂಚ್ಯಾ ಹಾಜರ್ಪಣಾ ಸಾಂಗಾತಾ ಫಿರ್ಗಜ್‍ಗಾರ್ ಆನಿ ಧರ್ಮ್‍ಭಯ್ಣ್ಯೊ ಹಾಜರ್ ಆಸ್‍ಲ್ಲಿಂ.
ಕುಮಾರಿ ಸ್ವೀಡಲಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಯುವ ಆಧ್ಯಕ್ಶ್ ಗ್ಲ್ಯಾಡ್‍ಸನಾನ್ ವಂದಿಲೆಂ. ಆಕ್ರೇಕ್ ಗೊಡ್ಶೆಂ ವಾಂಟ್ಲೆಂ.
More Photos...
Comments powered by CComment