Parish News

ಅಯ್ತಾರಾ, 2023 ಆಗೋಸ್ತ್ ಮಹಿನ್ಯಾಚ್ಯಾ 13 ತಾರಿಕೆರ್ ರುಜಾಯ್ ಕಥೆದ್ರಲಾಂತ್ ಪಾವ್ಸಾ ಗಮ್ಮತ್ ಕಾರ್ಯೆಂ ಸಾಂಜೆರ್ ಚಾರ್ ವರಾರ್ ರುಜಾಯ್ ಕಲ್ಚರಲ್ ಹೊಲಾಂತ್ ಅಸಾ ಕೆಲ್ಲೆಂ.

ಮಾಗ್ಣ್ಯಾ ಗೀತಾ ಸವೆಂ ಕಾರ್ಯೆಂ ಪ್ರಾರಂಭ್ ಜಾಲೆಂ. ವಿಗಾರ್ ಮಾ. ಆಲ್ಫ್ರೆಡ್ ಪಿಂಟೊ ಬಾಪಾಂನಿ ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್ ಸೊಬಯ್ಲೆಂ. ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ಗೊವ್ಳಿಕ್ ಫರಿಷದೆಚೊ ಉಪಾಧ್ಯಕ್ಶ್ ಮಾನೆಸ್ತ್ ಡಾ. ಜೊನ್ ಡಿಸಿಲ್ವಾ, ಕಾರ್ಯದರ್ಶಿ ಮಾನೆಸ್ತಿಣ್ ಹೆಜಿಲ್ ಮಿನೆಜಸ್, 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ ಹ್ಯಾ ಸರ್ವಾಂನಿ ವೆದಿರ್ ಅಪ್ಲಿಂ ಬಸ್ಕಾಂ ಸ್ವೀಕಾರ್ ಕೆಲಿಂ.

ಉಪಾಧ್ಯಕ್ಶ್ ಮಾನೆಸ್ತ್ ಡಾ. ಜೋನ್ ಡಿಸಿಲ್ವಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊಂ. ವಿಗಾರ್ ಬಾಪಾಂನಿ ಅಪ್ಲ್ಯಾ ಸಂದೇಶಾಂತ್ ಪಾವ್ಸಾ ಗಮ್ಮತ್ ಏಕ್ ಅಪುರ್ಬಾಯೆಚೆಂ ಕಾರ್ಯೆಂ. ಆದಿ ಪಾವ್ಸಾ ವೆಳಿಂ ಆಮ್ಚ್ಯಾ ಮಾಲ್ಘಡ್ಯಾಂನಿ ಅಪ್ಲ್ಯಾ ಘರಾಂನಿ ವಿವಿಧ್ ರೀತಿಚಿಂ ಫಕ್ವಣಾಂ ಕರ್ನ್ ಭುರ್ಗ್ಯಾಂಕ್ ದಾಧೊಶಿ ವಾಡ್ಲಾಂ. ಪೂಣ್ ಅತಾಂ ಆಧುನಿಕ್ ಸಂಸಾರ್ ಆಮ್ಚ್ಯಾ ಭುರ್ಗ್ಯಾಂಕ್ ಹ್ಯಾ ಖಾಣಾಂ ವಿಶಿಂ ಕಿತೆಂಚ್ ಕಳಿತ್ ನಾಂ. ಅದ್ಲೊ ಉಗ್ಡಾಸ್ ಜಿವಾಳ್ ದವರ್ಚ್ಯಾ ಉದ್ದೆಶಾನ್ ಹೆಂ ಕಾರ್ಯೆಂ ಅಸಾ ಕೆಲ್ಲೆಂ. ಹ್ಯಾ ಕಾರ್ಯಾಕ್ ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊನ್, ವಾಡ್ಯಾಚ್ಯಾ ಗುರ್ಕಾರಾಂನಿ, ಪ್ರತಿನಿಧಿನ್ ತಶೆಂಚ್ ವಾಡ್ಯಾಗಾರಾಂನಿ ಭರ್ಪೂರ್ ಮಿನತ್ ಕಾಡ್ಲ್ಯಾ. ಸರ್ವಾಂಕ್ ಶಾಬಾಸ್ಕಿ ಆನಿ ಅಭಿನಂದನ್ ಪಾಠವ್ನ್ ಕಾರ್ಯಾಕ್ ಬರೆಂ ಮಾಗ್ಲೆಂ.

ವಾಡ್ಯಾಗಾರಾಂನಿ ವಿವಿಧ್ ರೀತಿಚಿಂ ಪಾವ್ಸಾ ಖಾಣಾಂ ಅಪ್ಲ್ಯಾ ವಾಡ್ಯಾಂನಿ ರಾಂದುನ್ ಹಾಡ್ನ್ ಕಾರ್ಯಾ ವೆಳಿಂ ವಿಕ್ರಾಪ್ ಕರ್ನ್ ಲೊಕಾಂಕ್ ವಿವಿಧ್ ಖಾಣಾಂಚೆಂ ಸ್ವಾದ್ ಕಾಣ್ಗೆಂವ್ಕ್ ಅವ್ಕಾಸ್ ಕರ್ನ್ ದಿಲೊ. ಶಿರಾಂದರಿಚೊ ಪಾವ್ಸ್ ವೊತ್ ಲ್ಲೊ ತಿತ್ಲೊ ಸಂತೊಸ್ ಲೊಕಾಂಚ್ಯಾ ಮುಖಮೊಳಾಂನಿ ಪಳೆಂವ್ಕ್ ಮೆಳ್ಳೊಂ.

ವಾಡ್ಯಾವಾರ್ ವಿವಿಧ್ ಮನೊರಂಜನ್ ಕಾರ್ಯೆಂ ಅಸಾ ಕೆಲ್ಲೆಂ. ವಾಡ್ಯಾಂತ್ಲ್ಯಾ ಲ್ಹಾನಾಂನಿ, ಭುರ್ಗ್ಯಾಂನಿ, ಯುವಜಣಾಂನಿ, ದಾದ್ಲ್ಯಾಂನಿ, ಸ್ತ್ರೀಯಾಂನಿ ತಶೆಂಚ್ ಮಾಲ್ಘಡ್ಯಾಂನಿ ಭೋವ್ ಉಮೆದಿನ್ ಹ್ಯಾ ಮನೋರಂಜನ್ ಕಾರ್ಯಾಂನಿ ಭಾಗ್ ಘೆವ್ನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಮನೋರಂಜಿತ್ ಕೆಲೆಂ.

ಹೌಸಿ ಹೌಸಿ ಖೆಳ್ ಅಸಾ ಕರ್ನ್ ವಿಜೇತಾಂಕ್ ಬಹುಮಾನ್ ವಿತರಣ್ ಕೆಲೆಂ. ಅಕೇರಿಕ್ ಅರ್ಗಾಂ ಗೀತ್ ಗಾವ್ನ್ ಕಾರ್ಯೆಂ ಅಕೇರ್ ಕೆಲೆಂ.

ಮಾನೆಸ್ತ್ ಫಿಲಿಪ್ ಪಿರೇರಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಮಾನೆಸ್ತ್ ಲ್ಯಾನ್ಸಿ ಕ್ರಾಸ್ತಾನ್ ಲೈಟ್ ಆನಿ ಸೌಂಡ್ ಸಿಸ್ಟಮ್ ಒದಗ್ಸುನ್ ದಿಲೆ. ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸಾನ್

ಕಲ್ಚರಲ್ ಹೊಲ್ ಆನಿ ವೆದಿಂ ಸೊಬಾಯ್ಲೆಂ. ಮಾನೆಸ್ತಿಣ್ ವೈಲೈಟ್ ಕಾರ್ಯಚೆಂ ಫೋಟೋಗ್ರಾಫಿ ಆನಿ ವಿಡಿಯೋಗ್ರಾಫಿ ಕೆಲೆಂ.

ಅಶೆಂ ಸರ್ವಾಂಚ್ಯಾ ಸಹಕಾರಾನ್ ಕಾರ್ಯೆಂ ಯಶಸ್ವಿ ಜಾಲೆಂ. ಆಧಾರ್ಸಿಲ್ಲ್ಯಾ ಸುದಾರ್ಸಿಲ್ಯಾ ಸಮೆಸ್ತಾಂಕ್ ದೇವ್ ಬರೆಂ ಕರುಂ.

For more photos Click here