Parish News

ಭಲಾಯ್ಕೆ ಆಯೋಗ್ ಆನಿ ಶಿಕ್ಪಾ ಆಯೋಗಾನ್ ಮಾಂಡುನ್ ಹಾಡ್‍ಲ್ಲೆಂ ಕಾರ್ಯಕ್ರಮ್.
ಭುರ್ಗ್ಯಾಂಚಾ ಭಲಾಯ್ಕೆ ವಿಷ್ಯಾಂತ್ ಮಾಹೆತ್ – 30.07.2023

ಭಲಾಯ್ಕೆ ಆಯೋಗ್ ಆನಿ ಶಿಕ್ಪಾ ಆಯೋಗ್ ಸಾಂಗಾತಾ ಮೆಳೊನ್ ‘ಭುರ್ಗ್ಯಾಂಚಿಂ ಭಲಾಯ್ಕೆ ಮಾಹೆತ್’ ಮ್ಹಳ್ಳೆಂ ಕಾರ್ಯಕ್ರಮ್ 30.07.23 ತಾರಿಕೆರ್, ಸಕಾಳಿಂ 8 ವೊರಾಂಚಾ ಮಿಸಾ ನಂತರ್ ಮಿನಿ ಹಾಲಾಂತ್ ಮಾಂಡುನ್ ಹಾಡ್ಲೆಂ. ಹಾಕಾ ಭುರ್ಗಿಂ ತಶೆಂಚ್ ತಾಂಚಿ ವಡಿಲಾಂಕ್ ಆಪವ್ಣೆ ಆಸ್‍ಲ್ಲೆಂ.

ಸಕಾಳಿಂ 8 ವರಾಂಚಾ ಮಿಸಾ ನಂತರ್ ಭುರ್ಗ್ಯಾಂಕ್ ತಶೆಂ ತಾಂಚಾ ವ್ಹಡಿಲಾಂಕ್ Breakfast ದಿಲಿ. ಉಪ್ರಾಂತ್ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. Mrs Linet Dsouza ಹಿಣೆಂ ಕಾರ್ಯೆಂ ನಿರ್ವಹಣ್ ಕೆಲೆಂ. ಕಾರ್ಯಕ್ರಮ್ ಮಾಗ್ಣ್ಯಾಸವೆಂ, Mrs Jessy Alvares ಆನಿ Tressy Dsouza ನ್ ಸುರು ಕೆಲೆಂ. Mrs Viviana Monteiro ನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ವಿಗಾರಾಕ್, ಸಂಪನ್ಮೂಳ್ ವ್ಯಕ್ತಿಕ್ ಆನಿಂ ಪ್ರಮುಖ್ ವ್ಯಕ್ತಿಂಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ಉಪ್ರಾಂತ್ ವಿಗಾರ್ ಬಾಪಾನ್ ಮ್ಹಟ್ವ್ಯಾನ್ ತಾಂಚೊ ಸಂದೇಶ್ ದಿಲೊ. Dr. Sr. Saritha ನ್ ಸಂಪನ್ಮೂಳ್ ವ್ಯಕ್ತಿಚಿ ಪರಿಚಯ್ ಕರ್ನ್ ದಿಲಿ.

ತ್ಯಾ ನಂತರ್ ಸಂಪನ್ಮೂಲ್ ವ್ಯಕ್ತಿ ಜಾವ್ನಾಸ್ಚಿ Dr. Sr. Mabel Dmello, Divine Mercy Homeopathy Clinic Thokottu ಹಿಣೆಂ ಭುರ್ಗ್ಯಾಂಚಾ ಭಲಾಯ್ಕೆ ವಿಶಿಂ, ಭುರ್ಗ್ಯಾಂಕ್ ತಶೆಂಚ್ ತಾಂಚಾ ವಡಿಲಾಂಕ್ ಮಾಹೆತ್ ದಿಲಿ. ಕುಡಿಚಿ , ಮತಿಚಿ ಆನಿಂ ಅತ್ಮ್ಯಾಚಿ ಭಲಾಯ್ಕಿ ಕಶಿ ಸಾಂಬಾಳ್ಚಿ ಮ್ಹಳ್ಳೆಂ ವಿಶ್ಯಾಂತ್ ತಿಣೆಂ ಸಾಂಗ್ಲೆಂ. ಬರಿ ನೀದ್, ಬರೆಂ ಜೆವಾಣ್ ಆನಿ ಜಾಯ್ ಪುರ್ತೆಂ ಉದಾಕ್ ಬರೆಂ ವ್ಯಾಯಾಮ್ ಕರ್ನ್ ಕುಡಿಚಿ ಭಲಾಯ್ಕಿ ಸಾಂಬಾಳಿಜೆ ಮ್ಹಳ್ಳೆಂ ಉಲೊ ದಿಲೊ. ಆವಯ್ ಬಾಪಾಯ್ನ್ ತಾಂಚಾ ಭುರ್ಗ್ಯಾಂ ಸಾಂಗಾತಾ quality time spend ಕರಿಜಾಯ್ ಮ್ಹಣ್ ಸಾಂಗ್ಲೆಂ.

ಬರೆಂ ವಾಚಾಪ್ ಅನಿ ಬರೆಂ ಚಿಂತಾಪ್ ಚಿಂತುಂಕ್ ಭುರ್ಗ್ಯಾಂ ಕ್ ಉಲೊ ದಿಲೊ. ಭುರ್ಗಿ ಚೂಕ್ ಕರ್ತಾನಾ ತಾಂಕಾ ತಿದ್ವುನ್ ಬರ್ಯಾ ವಾಟೆಕ್ ಹಾಡಿಜಾಯ್ ಮ್ಹಣ್ ಆವಯ್ ಬಾಪಾಯ್ಕ್ ಸಾಂಗ್ಲೆಂ.

ಸುಮಾರ್ 130 ಜಣಾಂನಿ ಹಾಂತುನ್ ಭಾಗ್ ಘೆತ್ಲೊ ಆನಿ ಹಾಚೊ ಫಾಯ್ದೊ ಜೊಡ್ಲೊ. ಹೆಂ ಕಾರ್ಯಕ್ರಮ್ 9 ವರಾ ಥಾವ್ನ್ 10.30 ವೊರಾಂ ಮ್ಹಣಾಸರ್ ಚಲ್ಲೆಂ.

Mrs. Doreen Dsouza ನ್ ಸರ್ವಾಂಚೊ ಉಪ್ಕಾರ್ ಆಟಯ್ಲೊ. ಆಖ್ರೇಕ್ ಸೊಮ್ಯಾಕ್ ಧಿನ್ವಾಸುಯಾಂ ಮ್ಹಳ್ಳೆಂ ಕಂತಾರ್ ಗಾವ್ನ್ ಕಾರ್ಯಕ್ರಮ್ ಅಖೇರ್ ಕೆಲೆಂ.